اصغریہ نیوز کے مطابق، امام خمینی رحمۃ اللہ علیہ کے رمضان المبارک کے آخری جمعہ کے دن یوم القدس کا دن قرار دے کر مظلوم فلسطینیوں کے ساتھ اظہار یکجہتی اور غاصب اسرائیل کے خلاف احتجاج پر لبیک کہتے ہوئے، اصغریہ اسٹوڈنٹس آرگنائزیشن پاکستان، اصغریہ آرگنائزیشن پاکستان اور اصغریہ آرگنائزیشن پاکستان خواتین کی جانب سے کراچی سمیت مختلف شہروں میں القدس ریلیوں کا انعقاد کیا گیا۔
اس سلسلے میں اصغریہ اسٹوڈنٹس آرگنائزیشن پاکستان اصغریہ آرگنائزیشن پاکستان اور اصغریہ آرگنائزیشن پاکستان خواتین کے مرکزی صدرور کے حکم پر پورے ملک میں یوم القدس کی آزادی اور فلسطینی مسلمانوں سے اظہار ہمدردی کے لیے جمعۃ الوداع کے روز اصغریہ آرگنائزیشن پاکستان ،اصغریہ اسٹوڈنٹس آرگنائزیشن پاکستان ، اصغریہ آرگنائزیشن پاکستان خواتین کی طرف سے احتجاجی مظاہرے اور ریلیاں نکال کر یوم القدس کی آزادی کے لیے بھرپُور احتجاج ریکارڈ کرایا گیا۔
اصغریہ آرگنائزیشنز کے مرکزی صدرور کے حکم پر تمام , تنظیمی تنظیمی علاقوں کراچی ، حیدر آباد ، میرپور خاص ، نواب شاہ ، خیرپور ، رانی پور ، سکھر ،پنوعاقل ، شکارپور ، لاڑکانہ، جیکب آباد ، کنڈیارو ، نوشہرو فیروز ، شھداد کوٹ ، گڑھی خیرو، میھڑ سٹی ،دادو ،ٹھل سٹی گھوٹکی ، اوباوڑو، میرپور ماتھیلو، اور دوسرے شہروں میں احتجاجی ریلیاں اور مظاہرے کئے گئے۔
مظاہرین کے ہاتھوں میں پلے کارڈز، بینرز اور تنظیمی جھنڈے تھے جو اسرائیل اور امریکہ کے خلاف نعرے بازی کر رہے تھے ریلیوں سے تنظیمی دوستوں اور علماء کرام نے خطاب کرتے ہوئے کہا کہ بیت المقدس کا دن صرف قدس کی آزادی کا دن نہیں یہ دن ہر اس مظلوم کی حمایت کا دن ہے جو امریکہ اور اسرائیل کی وجہ سے ظلم برداشت کر رہا ہے ، مظاہرے میں شریک شرکاء کا کہنا تھا کہ بیت المقدس پر غاصب اسرائیل کا قبضہ کسی صورت میں برداشت نہیں کرینگے اور امت مسلمہ اپنی آخری سانس تک یہ تحریک جاری رکھے گی ، ہم امریکہ اور اسرائیل کو بتانا چاہتے ہیں کہ اپنا قبلہ درست کرے اور مظلوم فلسطینیوں پر ظلم و بربریت بند کردے اور وہ دن دور نہیں جب بیت المقدس آزاد ہوگا۔
Total Users : 5248